Spiugruppe si sehr wärtvoll...

 ersts Loslöse... sozials Verhaute fördere... Zämeghörigkeit... 
uf Fähigkeite vertroue... be-griffe dür Erfahrig... Stärchine entdecke... mit angerne Ching leere... 
sich mitteile... uf Erwachseni vertroue....  nach em Orientierungsrahmen für frühkindliche Bildung, 
Betreuung und Erziehung in der Schweiz

Spiugruppe isch nid Pflicht, nid obligatorisch. Spiulgruppe isch koschtepflichtig. 

Jeder 👦👶👧👨👩Familie steit offe, wo sie ihri Ching id Spiugruppe gäh. We Spiugruppe i öier Familie es Thema wird, nähmet öich Zyt, tuuschet euch mit angerne Mamis us, göht ga ineluege. Das darf me nämlich ganz unverbindlech. Es git Spiugruppe i ganz verschiedene Arte u Spiugruppeleiterinne mit ganz verschiedene Haltige. Lueget wos für eues Ching passt, o für euch Eutere, Vertroue isch wichtig, schliesslich isch d'Spiugruppeleiterin meistens, di ersti Frömdperson für ds'Ching. Sich ustuuusche, Erfahrige sammle, Sinne erlebe, ds'Ching steit im Mittupunkt, Nöis usprobiere, Fründschafte schliesse, Kreativ siii, d'Sprach/Fantasie fördere, Värsli, Gschichte, Liedli u no so viel meh passiert im Spiugruppejahr. Mir als Leiterin vo mire Spiugruppe, isch es sehr wichtig, dass ig i Sache Biudig, Entwicklig und Förderig ufem aktuellste Stang bi. Drum bsuecheni regumässig Witerbildige. Genauso, steit bi mir Qualität im Vordergrund. Spiugruppe mache Bildig, si i der Früehförderig tätig u mache Vorschuel indem sie Ching ufe Chindergarte vorbereite.

♥♥♥♥♥♥♥♥♥ ♥♥♥♥♥♥♥♥♥ ♥♥♥♥♥♥♥♥♥

In diesem Sinne wünsche ig euch u euem Ching 
e wunderbari, unvergässlechi Spiugruppezyt.

♥♥♥♥♥♥♥♥♥ ♥♥♥♥♥♥♥♥♥