*umehüpfutanzuschrei* ...es witers SEHR wichtigs Zertifikat fürs üÜlenäscht!!!
☆
Nach 4 Modul, oder 210 witere Witerbiudigsstunge u emene abschliessende
Praxisbsuech vor Fachexpertin D. Eggenschwiler,
darfi verchünnte, dass im üÜlenäscht d'Sprachförderig sitem 23.
Januar 25 zertifiziert isch.
...das heisst gnauer, di Fachexpertin isch e Morge cho ine höckle u het beobachtet, wie ig ds'Glehrte tue umsetze. Sie het uf mini Stärkine gluegt, sie het glost wie ig mit de Ching rede, ob i Gspräch schütze, Ching la la usrede, het im Ruum gluegt ob Ching d'Sprach o gseh, undundund u het de das aues imne Bricht zämegfasst. I ha mit Bravour abgschlosse u fröie mi, öich hie mitzteile, dass d'Sprachförderig im üÜlenäscht genau so geit wie sie mues gah ir Spiugruppe. Dr Praxisbricht liegt ir Garderobe u darf jederzyt gläse wärde.
☆
Mit de Ching philosophiere, ne d'Sprach use chutzele, Sache bim Name
benenne, singe, värschli oder stungelang Wimmubüechli aluege... I liebe
das! U fröie mi, öii Ching witerhin o "Sprachtechnisch" dörfe z'begleite.
...ganz viu dusse/verusse, am üÜlenäscht Waldplatz
"Gemeinsam gehts über die Brücke, den Waldweg steil hinauf, über das Rinnsal von Schneewasser. Hier, viele Kurven hinter Langnau, ist ihr Waldsofa, von den Eltern gefertigt aus Baumstämmen und Ästen." Franziska Hidber
♥ Wir haben einen Waldplatz im Wald mit einem wunderbaren Waldsofa, wo
Eltern und Kind gebaut und jedes Jahr renoviert wird. An diesem Ort
liegt ein Zauber mit purer Magie, wo sich nicht nur die Kinder
unglaublich wohl fühlen. Bei uns kann man zur Ruhe kommen,
entschleunigen, mit dem Wald eins sein und das einfache Spiel ohne viel
Material aus- und erleben. Beim Znüni oder Zvieri dem plätschernden
Bach, den singenden Vögel oder den raschelnden Blätter der Bäume
lauschen. Den Wind am Körper spüren oder auch mal wahrnehmen, wie sich
die feuchte Luft oder der Regen auf der Haut anfühlt. Wir sehen und
erfahren, wie sich unser Waldweg zu jeder Jahreszeit verändert, können
ganz viele, kleine Wunder entdecken und Achtsamkeit werden. Zudem wird
unser Urvertrauen und die eigenen Kompetenzen werden gefördert und
gestärkt. ♥
"Ärde"schön u sinnlech.
☆ A Steu vom Lätt, hei mir ufem Wärchtisch meischtens Ton.
☆ Es sinnlechs Naturprodukt, wo Ching chöi mit de Finger iiitouche, usprobiere, schmiere, boue, chnätte, chrugele u rugele, uströle, mit Guetzliförmli usstäche, Müschterli dri ritze...
...dr Fantasie si keni Gränze gsetzt!
10 Jahr Naturspiugruppe üÜlenäscht si Vergangeheit u i ha am letschte Wucheänd, chli rescheschiert u grächnet, wie ds'üÜlenäscht i dene 10 Jahr het dörfe wachse. Has chli zämegsteut u es macht mi scho chli stolz. 
...hie es paar Zahle u Fakte, vo de letschte 10 Jahr, vo Ouguscht 13 bis Juli 23:I 𝟓𝟓 𝐆𝐫𝐮𝐩𝐩𝐞𝐧𝐞, hani 𝟑𝟖𝟗 𝓒𝓱𝓲𝓷𝓰 (im erschte Jahr sis nüni gsii) dörfe dürs Abentüür üÜlenäscht begleite. Mir si 5087.5 𝑆𝑡𝑢𝑛𝑔𝑒 𝑧ä𝑚𝑒 𝑢𝑛𝑔𝑒𝑟𝑤ä𝑔𝑠 𝑔𝑠𝑖 und di Ching 𝚜𝚒 𝚞𝚜 𝟹𝟺 𝙾𝚛𝚝𝚜𝚌𝚑𝚊𝚏𝚝𝚎 𝚌𝚑𝚘. 46 Prozänt si us dr'üÜlenäscht Gmeind, auso Langnou gsi, dr grösser Teil het sich us angerne Gmeinde uf e Wäg is üÜlenäscht gmacht. I ha über ü𝕓𝕖𝕣 𝟝𝟘𝟘 𝕎𝕚𝕥𝕖𝕣𝕓𝕚𝕦𝕕𝕚𝕘𝕤𝕥𝕦𝕟𝕘𝕖 u Träffe mit SGL Kolleginne i de Kantön 𝘽ä𝙧𝙣, 𝙊𝙡𝙩𝙚, 𝘼𝙧𝙤𝙪, 𝘽𝙖𝙨𝙪 bsuecht und üÜ𝗅𝖾𝗇ä𝗌𝖼𝗁𝗍 𝖧𝗈𝗆𝖾𝗉𝖺𝗀𝖾 het 𝟣𝟤𝟪'𝟫𝟪𝟪 Klicks bis hüt. Artikle übers üÜlenäscht hets ir Wuchezytig vom Emmitau u Äntlibuech gäh, genau so im activ & live, ir BZ und bi Radio Neo1 hets es Neo1 Portrait gäh, womi no hüt gärn zrügg erinnere. Uf Spielschweiz.ch ischs üÜlenäscht sogar erwähnt....drnäbe hani x mau: tröschtet, gärvelet, begrüesst u verabschiedet, ufgmunteret, pfläschterlet, motiviert, Biuderbüecher verzeut, chlini Naturwunder zeigt, erklärt, tränelet, gföit, gflickt, knotet, ghuufe, berüehrt, vorgsunge u mit dr Gitarre oder Ukulele begleitet, zuetrout, ermuetiget, ungerstützt, Wärchmateriau bereit gleit, Frücht u Gmües gschnitzt, glachet, blödelet... eifach aues wo drzueghört u spontan passiert, we me mit üser nächschte Generation ungerwägs isch. U ig? Ig bi gwachse i dene 10 Jahr. Bi vo Afang a mit em Härz drbi, ha glehrt, bi immer professioneller worde u cha hüt säge, ds'üÜlenäscht isch es wunderbars Agebot hie ir Region. Es isch guet hani dä Schritt im Januar 13 gmacht u hami zur SGL la usbiude. Hanis scho mau erwähnt? Ig liebe mi Bruef(ig) u fröie mi no uf ganz viu witere Stunge u Abentüür mit üsem koschtbarschte Guet. U i gloube fasch, Ching merke, dasi mit ganzem Härz drbi bi. Ihne chame nämlech nüt vormache.Aber itze gniesseni so RICHTIG mini Ferie 
