Für Kinder ab 3+/- bis zum Kindergarten. Hier steht das Kind und seine Bedürfnisse, voll und ganz im Mittelpunkt!
Zurück zur Natur ist ein entscheidender Schritt vorwärts zu einer rundum gesunden Entwicklung von Kindern - Richard Louv
RAUSGEHEN ist wie Fenster aufmachen NUR KRASSER! ;)

Montag, 13. Mai 2019

Begägnige mit Jung u Alt

Es sind die Begegnungen mit Menschen,
die das Leben lebenswert machen



z'Üülenäscht macht o Husbsüechli. Im Spiugruppejahr 18/19 hei mir mit däm wunderbare Projekt gstartet. Zäme mit dr Leiterin Aktivierig u Freizit Dora Liechti vom Läbensart Bärou hani ds'Projekt Begägnige mit Jung u Alt uf  d'Bei gsteut. Di sächs Mörge wärde vor Jeannine Gerber u mir begleitet. Mir tüe zäme singe, turne, bache, gärtnere, güetzele, lose Gschichte, tanze, male, choche, lache, u hei immer viu Spass. Ohni grossi Rundumplanig, eifach das mache wo Jung u Aut Fröid macht.

Hüt isches längscht kes Projekt meh. O im Spiugruppejahr 19/20 isches wieder es Thema. Mir stocke sogar uf. Mit zwene Gruppe, träffe mir üs sogar nün mau i zwöi verschiedene Hüser vom Läbensart Bärou. Di einti Gruppe blibt am Mäntimorge u di angeri isch no nid ganz klar wenn. Dr Anger wird e Namittag si.

Jeannine u ig hei mega Fröid dass es witer geit. Es isch e Bericherig uf beidne Site. Ching und Seniore chöis aube chum erwarte, wieder zäme Aktiv z'sii. Näbem Erläbnis Wald isch das e sehr wärtvoui Ergänzig wo aui Beteiligte chöi profitiere.

Im nächste Spiugruppejahr, dörfe mir sogar am Liechterabe mit drbi si.

hie es paar Idrück...