NaturSpielGruppe Üülenäscht

Freitag, 30. Juni 2023

Berner Zeitung - Artikel vom 28. Juni 23

...der ganze Bericht ist zu lesen, online oder direkt in der Zeitung:

"Spielgruppe und Treuhand statt Unterricht"

Mittwoch, 31. Mai 2023

Wärch&Spiuruum

☆ ds nöie Agebot für di GRÖSCHTE üÜlenäschtler:

《𝚆ä𝚛𝚌𝚑&𝚂𝚙𝚒𝚞𝚛𝚞𝚞𝚖》

☆ dr'Ort im üÜlenäscht, wo ds'Ching (abem Chindergarte) im Mittupunkt steit, uf sini Bedürfnis igange wird, wo ds'Ching nach Luscht u Luune darf frei wärche u spiele, vom Chintsch- oder Schueuautag cha achefahre, darf mit entscheide u vou u ganz cha Ching si.

☆ Date fürs Jahr 23/24

Mittwuchnamittag vo 13.30 Uhr bis 16.30 Uhr

23. August

6. September

18. Oktober

8. + 22. November

6. Dezember

10. + 24. Januar 24

7. + 21. Februar 24

6. + 20. März 24

3. April 24

15. + 29. Mai 24

12. Juni 24

Jetzt amäude u dr Platz reserviere. I fröie mi uf e luschtegi Tschuppele.

Bi Frage, gibeni sehr gärn Uskunft

Dienstag, 21. März 2023

I Wald gah heisst bi üs...

Mir hei e Waudplatz im Wald, miteme wunderbare Waldsofa, wo d'Eutere zäme mit de Ching hei boue u wo jedes Jahr, renoviert wird. A däm Ort, liegt e Zouber une Magie, wo sich nid nume d'Ching ungloublech wohl füehle. Bi üs chame achefahre, mit em Wald eis sii, ds'eifache Spiu im Wald, ohni grosses Materiau erläbe u usläbe. Bim Znüni oder Zvieri, lose mir de singende Vögeli oder am plätschernde Bach zue. Mir chöi dr Wind am Körper gspüre oder o mau wahrnäh, wie sich di füechti Luft oder dr Räge a dr Hut afüuht. Mir gseh u erfahre, wie sich üse Waldwäg zu de Jahreszyte veränderet, chöi ganz viu (chlini) Wunder entdecke u dörfe lehre achtsam wärde. Zudäm wird ds'Urvertroue u di eigete Kompetänze gförderet u gstärkt.

Sit 10 Jahr bini mit Lideschaft u ganzem Härz drbi u begleite Ching kompetänt, ufmerksam u rücksichtsvou dür ihres Spiugruppejahr. Wed o du möchtsch dim Frölein oder Juniörli ds'Abentüür üÜlenäscht ermügleche, de mäud di doch bi mir. I fröie mi uf öich...

Freitag, 10. März 2023

☆ Gemeinsam gehts über die Brücke, den Waldweg steil hinauf, über das Rinnsal von Schneewasser. Hier, viele Kurven hinter Langnau, ist ihr Waldsofa, von Eltern gefertigt aus Baumstämmen und Ästen - Franziska Hidber

----> geits zum ganze Bricht "Jedes Kind ist einwenig meins"

☆ ...dr auerwäutsschönscht Waudplatz im Ämmitau, hei d'üÜlenäscht Ching. U ig, ig ha dr auerwäutsschönscht Bruef(ig)