Bewegungskoordination...

...ds'Glichgwicht fördere, ds'Immunsystem stärke u no viel meh!

...passiert bi üs ganz spielerisch im Wald 

Elternarbeit

Es ganz Härzlechs Dankeschön a aui Häufer wo am 14. Mai 16 mit grossem Isatz üses Waldsofa wieder hei g'huuffe ufboue.. Aune Mamis, Papis u natürlech de vile Ching. Itz wärde mir wieder ufeme wunderbare Sofa Znüni oder Zvieri chönne ässe... Gschichte lose... singe... 

oder eifach mau verschnuufe...

20 Erwachseni mit 21 Ching, 

e gueti Stung Arbeit, ohni loufe berechnet, git höchgrächnet veiechli Stunge Arbeit!

Ganz, ganz fescht Danke!!!!

Es het no freii Plätz fürs Spielgruppejahr 16/17
Bi Interesse eifach mäude

Spielerei...

...am Bach

das freie Spiel...

...steht im Mittelpunkt...

...oder  di grossi Diskussion, lat me d'Chlämmerli we me d'Wösch abnimmt ar Leine, 

oder nimmt me se drab?

… jedes Mal,

...wenn wir einem Kind etwas frühzeitig beibringen, 

das er später für sich selbst hätte entdecken können, 

wird diesem Kind die Chance genommen, 

es selbst zu erfinden und es infolgedessen vollkommen zu verstehen. 

(Jean Piaget)

 

 

...Kinder leben durch ihre Sinne

sehen – hören – schmecken – riechen - fühlen

Ufem Wäg i Wald...

Wenn mir uf em Wäg si, für i Wald, gits immer öpis z'gseh. 

Zum Bispiel es usghudlets Wäschpinäscht vom Dachs... 

ganz vorsichtig, hei mers agluegt...

bi üs isches richtig spannend!

A dere Steu, es Riesekomplimänt a eui Ching, 

die mache das eifach nume super. Ig bi riesestouz uf sie...

Bi Interesse, dörft dir mi gärn kontaktiere...

I ligge fuu im höche Gras...

I ligge fuu im höche Gras u aues isch ganz still,
doch wenn i Müüsliohre hätt, so ghörti ig no viel...

1. E ticke Chäfer chunnt verby, er schnuufet u pressiert e chli, wo wott er ächt ou hy?

2. E Schnägg dä chrüücht dürs Gras düry u schleipft sys Huus a mir verby,wo wott er ächt ou hy?

3. E Summervogu tanzt verby, vo Bluem zu Bluem im Sunneschyn,wo wott er ächt ou hy?

4. E Gloggeblueme chönnt das sy, wei ächt di Tier zu dere hy?Das ghöre mir itz gly.

Das isch doch gwüss es schöns Konzert, mir wei derbi nid störe,
ja wenn ig Müüsliohre hät, chönnt ig das alles ghööre!
(Kinderlied von Gerda Bächli)