Einen Kommentar verfassen...
Wie gehts?
auf: Kommentar veröffentlichen klicken
dann: ins Feld kommentieren,
unter: wählen Sie eine Identität aus
Anonym anklicken
dann auf veröffentlichen.
Ich bitte euch aber,
euren Namen beim Kommentieren zu schreiben,
sonst weis ich ja nicht, wer hier schreibt.
;-)
10 Kommentare:
Mami, wie mängisch muesi no schlafe bis ig wieder id
Spiugruppe gah?
Mami, chönnti nid jede Tag id Spiugruppe?
Mami, tuesch mi de morn wecke, dass ig nid ds spät id
Spiugruppe chume?
Mami i wott no nid hei cho. I ha no nid mit auem gspiut!
Mami wosch mau lose, weli Liedli ig ir Spiugrupe scho ha glernt?
Mami hesch gseh, dert i däm Lade chame Üüle choufe!
Das si nume paar Bispiu usem Autag.
Ds Üülenäscht isch i üsere Familie äs grosses Thema.
Mir fröie üs, dass üse Junior so gärn id Spiugruppe geit.
Mit gartne, chosle, Sache sueche im Wald oder am Bach,
singe, baschtle, lättele, Gschichte lose u spiele,
bietisch Du äs spannends, abwächsligsriichs
u kreativs Programm!
Merci viu Mau u liebi Grüess vo
Ryschmis
D Julia fröit sech jedesmau uf d Spiugruppe. Am beschte gfaut ihre ds Baschtle, Male und Chläbe!
Danke viumau für di gross Isatz!
Liebi Barbara, es grosses Lob für dini Naturspiugruppe. Üsi Nina liebs sehr bi dir cho z Spiele, Bastle, Singe, Matsche u mit dä angere Ching zäme si. Sie würd am liebschte au Tag cho u chas immer chum erwarte bis wieder ä Wuche ume isch. Du bisch ihri Spiugruppe Barbara u bisch eifach die Beschti! U ou mir Mammis chöme nids kurz. Di Kreativabe isch super gsi u mir heis u luschtig gha! I freue mi scho ufe Nächscht! Mach wieter so, es fägt für aui!
Vo Ryschmis isch die haubi Familie immer wieder bir Barbara ir Aeugschtmatt:
Üsi Meite (2 1/2 J) seit zfride zum Grosi: "Wiis was? I ga de im Fau zur Barbara id Spiugruppe!" "Isches de schön ir Spiugruppe?" "Ja, sehr!" "Was machet dir de dert?" "Das hani leider grad vergässe. Aber weis, äs is eifach sön."
Üse Junior: "Mami, i wett o wieder einisch zur Barbara."
Da chunnt im richtige Momänt ds nöie Aagebot: Chindernamittag!
U we de d Jungmannschaft stouz au ihri Produkt hett hei brunge, muess ds Mami gugge, dass die eigete Kreatione wo am Mama-Kreativ-Abe si entstange ono äs Plätzli finge.
Üs drüne isch immer wieder wohl im Üülenäscht. Merci für au die spannende, unterhalsame, kreative, luschtige, idee- u abwächsligsriiche Programm!
Uhhhh het das hüt wieder gfägt ir Spiugruppe bir Barbara. Es Hus baschtle useme riesige Karton u schön farbig amale. So cool! U no cooler wie die Ching am Schluss hei usgseh: vo Kopf bis Fuss si sie i aune Farbe, aber glücklich u voller Stolz da gstange! Aber für das gits daheime ä Badwanne u feini Badepraline wo mir bir Barbara am Kamblywiehnachtsmärit hei kouft. U ou Kleider wärde ir Maschine wieder suber. U wenn nid, wäm störts? Bi däm trischte Wätter isch jede Farbtupf ä Abwächslig u willkomme. Danke Barbara dass üsi Nina bi dir eifach darf Ching si u ihri Kreativität cha usläbe. Mir si froh, dass mir Nina scho grad wieder für nächscht Summer hei chönne amäude. Sie isch so wohl u zfriede bi dir u es passt eifach. U i freue mi scho ufe nächscht Kreativabe am 23. Februar! Barbara blieb wiet bisch u mach wieter so!
Ich würde mein Kind sofort wieder in diese spielgruppe geben, es wahr eine super tolle Zeit!
Lg brigit
I wett hüt zur Barbara i d Spielgruppe. Itz bini bi de Grosse. I wett nid Ferie ha. (Laura)
Hallo Barbara,
Sisch hüt so lustig gsi,dr louis u dr jan hei zäme diskutiert was är spiugruppe isch besser gsi, u was blöd isch im chindi😀😀 u dasi lieber wieder i spiugruppe wetä.
Lg brigit
heute kam die kindergartenanmeldung und unser sohn stellte klar,dass er das ganze leben lang zu barbara in die spielgruppe gehen möchte ;-)...liebe barbara,herzlichen dank für deinen einsatz,unsere söhne sind so gerne und bei jedem wetter draussen und es ist jeweils eine riesige freude,sie dreckig und freudestrahlend wiederzusehen!lg linda
Isch scho chli lenger här, wo miner 2 au wuche i dä wundervou u chli magisch Grabe hingere hei chönne. No hüt verzeuesi immer wieder was si aus hei chönne, dörfe u erläbt hei.
Mängisch si di ching zrügg cho u mir Mamis heise bau nüm vonang kennt, wüusi aui gliich vou Matsch si gsi! Mängisch sisi eifach pflotschnass heicho, mängisch heisi gaaaaanz viu Steine mit hei gno, mängisch sisi überau vou Farb u Liim gsi, mängisch heisi wundervoui säubergmachti Sache mit hei gno... Aber immer si 2 überglücklechi Ching hei cho!!!
Ä unbezahlbari Zyt für üs aui isch das gsi, u no hüt bestöh Fründschafte unger de Ching, unger üs Mamis u ou mit Dir, härzensgueti, fägegi LieblingsBarbara!!! Danke für aus u vo üs aune!!
Lea, Thilo, Nia
Kommentar veröffentlichen