... aber vorhär legeni öich no öppis ads Härz❣
Spiugruppe si wärtvoll... ds Ching u ds freie Spiel steit im Mittupunkt... ersts Loslöse... sozials Verhaute fördere... Zämeghörigkeit... uf Fähigkeite vertroue... be-griffe dür Erfahrig... Stärchine entdecke... mit angerne Ching lehre... sich mitteile... uf Erwachseni vertroue.... nach em Orientierungsrahmen für frühkindliche Bildung, Betreuung und Erziehung in der Schweiz
Spiugruppe isch nid Pflicht, nid obligatorisch. Spiulgruppe isch koschtepflichtig. Jeder 👦👶👧👨👩Familie steit offe, wo sie ihri Ching id Spiugruppe gäh.
We Spiugruppe i öier Familie es Thema wird, nähmet öich Zyt, tuuschet euch mit angerne Mamis us, göht ga ineluege. Das darf me nämlich ganz unverbindlech. Es git Spiugruppe i ganz verschiedene Arte (Spiugruppe chame es Agebot leider schnäu benenne😔) u Spiugruppeleiterinne mit ganz verschiedene Haltige. Lueget wos für eues Ching passt, o für euch Eutere, Vertroue isch wichtig, schliesslich isch d'Spiugruppeleiterin meistens, di ersti Frömdperson für ds'Ching. Sich ustuuusche, Kreativ siii, Kreativität ohni Vorgab, ohni Muschter... ds'Ching darf di ungerschiedlechste Materiau entdecke und er-griffe... säuber grosses er-schaffe... nume so wird d'Fantasie förderet... Erfahrige sammle, Sinne erlebe, Nöis usprobiere, Fründschafte schliesse, d'Sprach/Fantasie fördere, Värsli, Gschichte, Liedli u no so viel meh passiert im Spiugruppejahr. Mir als Leiterin vo mire Spiugruppe, isch es sehr wichtig, dass ig o i Sache Biudig, Entwicklig und Förderig ufem aktuellste Stang bi. Drum bsuecheni regumässig Witerbildige. Genauso, steit bi mir Qualität im Vordergrund. Spiugruppe mache Bildig, si i der Früehförderig tätig u mache Vorschuel indem sie Ching ufe Chindergarte vorbereite.
Luegets a u nämet öich Zyt.
In diesem Sinne wünsche ig euch u euem Ching e wunderbari, unvergässlechi Spiugruppezyt❣
Keine Kommentare:
Kommentar veröffentlichen